O venres 14 de Novembro, os cursos desde 2º a 6º de EP participaron en Montalvo, xunto co resto de Centros educativos da zona, da modalidade deportiva de cros. Nesta xornada tivemos a sorte de contar cunhas boas condicións climatolóxicas o que favoreceu e permitiu que os rapaces/as disfrutaran en maior medida da actividade.
Deporte, socialización, participación, disfrute, esforzo, compañeirismo, superación... foron, entre outras, as finalidades principais desta actividade.
A por máis!
É moi habitual relacionar os xogos coas crianzas. Semella que a medida que van pasando os anos, os xogos deixan de estar presentes na vida das persoas. É unha perda que acompaña á evolución da infancia. Mais o ser humano, coma os animais, precisa xogar e debe facelo ao longo de toda a súa vida; aínda que vivimos nunha sociedade tan centrada no traballo e na produción que moitas veces consideramos o descanso, o pracer e o xogo elementos prescindíbeis.
Os xogos tradicionais forman parte da nosa cultura, constrúen a identidade das persoas e transmítense de xeración a xeración.
Se ben os xogos tradicionais galegos parecían esmorecer aos poucos, nos últimos anos foron aparecendo asociacións, que pretenden protexer o patrimonio lúdico e evitar que os xogos tradicionais acaben desaparecendo.
Desde o CEIP As Bizocas, levamos a cabo unha semana relacionada cos xogos tradicionais e na que os nenos e nenas coñeceron en primeira persoa como xogaban os nosos antergos.
Certamente, foi unha ampla mostra de xogos tradicionais, pero que aínda así, non abarca a ampla diversidade e variedade de xogos que podemos atopar e disfrutar.
Foi unha semana na que os nenos aprenderon as súas regras, a manexalos e tamén a coidalos e amosar interese e respecto por eles. Son xogos que perduran no tempo pero que hoxe en día hai moitos descoñecidos.
Estas xornadas remataron o día no que se celebrou o magosto no colexio e no que todo o alumnado do centro poido disfrutar xogando con eles e cos seus iguais.
Aquí vos vai unha pequena mostra:
Adiante rapazada!
Este venres, 8 de Novembro, a comunidade do CEIP As Bizocas disfrutamos dunha xornada moi especial na que celebramos o magosto. Poidemos comer castañas asadas e tamén saborear os ricos bolos preñados de pan e chourizo.
Non quedou nadiña!!
Despois da comilona, divertímonos cos xogos tradicionais, nos que desde os máis pequeniños ata os maiores, percorreron de maneira conxunta, o circuito de xogos.
Non puido faltar tampouco, manchárnolas caras cos tizóns, despois das brasas coas que se asaron as castañas e mailos chourizos.
Un día xenial entre amigos/as e no que non faltou o bo tempo!
Saúde rapazada.
Aquí vos deixamos unha pequena mostra visual do que aconteceu:
