CHARLA: HERBAS DE SAN XOÁN E TRADICIÓNS

 Martes 26 de maio de 2026

O noso centro acolleu unha interesante charla dedicada ás herbas de San Xoán e ás tradicións populares vinculadas a esta celebración tan arraigada na cultura galega. A actividade permitiu ao alumnado achegarse ao valor cultural das plantas empregadas durante a noite de San Xoán, unha das festas máis emblemáticas do calendario tradicional.

Ao longo da sesión, explicáronse as propiedades e o significado das distintas herbas utilizadas nesta noite máxica, así como os costumes asociados á súa recollida e preparación. O alumnado puido coñecer de primeira man a importancia da tradición de deixar as herbas en auga durante a noite para lavar a cara na mañá de San Xoán, un ritual popular relacionado coa protección, a saúde e a boa sorte durante todo o ano.

A charla tamén afondou noutras crenzas e costumes populares arredor da noite de San Xoán, considerada desde antigo unha noite chea de maxia e misterio. Falouse dos rituais vinculados ao lume, elemento central desta celebración, como o costume de saltar as cacharelas para afastar os malos espíritos, atraer a sorte ou purificarse. Tamén se falou das costumes gastronómicas asociadas a esta festa (asar sardiñas, xureles...) Ademais, explicáronse diversas lendas populares.

Desde o centro queremos agradecer a colaboración da persoa encargada da charla, así como a participación e interese mostrado polo alumnado nesta experiencia tan enriquecedora, que contribúe a manter vivas as nosas tradicións.

1.° CICLO: MERENDAS DOUTRO PLANETA

 Na semana do Samaín preparamos unhas ricas merendas extraterrestres!!! Creamos e comemos aos habitantes dun descoñecido planeta que estaban boísimos. Ñam, ñam!!

https://padlet.com/bibliogalegoasbizocas/bizocas-en-orbita-25-26-ogfoi2mxnfoqjzz4/wish/AL83WzGkJAkDa0Pg

ELABORACIÓN DE MERENDAS SAUDABLES NO SAMAÍN

 O alumnado de Educación Infantil estivo traballando para elaborar unhas merendas saudables con forma de momia para celebrar o Samaín. O resultado foi moi xenial e saboroso!!

       

Ata podemos decir que estaban terroríficamente bos!!!!

 

MAGOSTO 2025

 Luns 10 de novembro de 2025

Este luns celebramos o MAGOSTO no colexio, unha celebración que xa tiñamos moitas ganas de que chegara.

Comezamos asando as CASTAÑAS. O encargado, como non podía ser doutro xeito, foi Luis, o noso conserxe.

Logo chegou o desexado CHORIPÁN, un riquísmo bocadillo de chourizo asado.

Para rematar, o profe Beni tiña preparados uns XOGOS típicos destas datas: encestar castañas, carreiras de sacos, pesca de castañas...

Estaba todo riquísimo e pasámolo moi ben!

XOGOS DO MAGOSTO

 O pasado 10 de novembro celebramos o MAGOSTO no noso cole. Ademais de comer castañas e chourizos asados con pan, tamén fixemos uns xogos cos que nos divertimos moito. 

Deixámosvos algunha mostra fotográfica...

Fóichevos un día do máis divertido!!!

DÍA "FIN DE CURSO"

 E como todo comeza, tamén, todo remata. Chegou o último dia lectivo e os rapaces despedíronse ao grande deste curso 24/25.

Este pasado venres 20 de Xuño, foi o día de amosarlle ás familias os traballos realizados ao longo de todo o curso no PDI "Pequenos Artistas", de que os nenos/as de sexto disfrutaran da súa graduación e ao mesmo tempo, se despediran do seu colexio, do centro que os acolleu, estes anos pasados, durante as etapas de EI e de EP e finalmente, para queimar as penas, que mellor que despedirse cunha festa chea de diversión con xogos na praia!!!

Aquí vos deixamos o enlace no que podedes ver as imaxes do que foi ese gran día:

https://photos.app.goo.gl/ia7Xh4D8FiwqkF4A7

COÑECENDO NOVOS XOGOS TRADICIONAIS

 Co gallo da celebración do día das Letras Galegas, na súa semana posterior, poidemos disfrutar no colexio dun novo grupo de xogos tradicionais, que fomos coñecendo e familiarizándonos con eles durante as sesións de EF.

Xogos como os das Pías, o das Pontes, o dos Guás, dos Paxarolos, pecha a caixa, solitario francés,xogo dos mancos, esquís en parella, rodar o aro, carozos de millo.. foron algúns dos distintos xogos nos que puido participar  o noso alumnado.

Lembrar ao que xogaban os nosos antergos, entender que moitos xogos estaban relacionados con certas actividades, que daquela o tempo de lecer non existía nin se apreciaba coma hoxe en día.. son cuestións a reflexionar por todos nós así coma valorar, coidar e apreciar todo o seu legado que nos deixaron.

DÍA MUNDIAL DA SAÚDE (7 DE ABRIL)

 Este luns, 7 de abril, o noso colexio As Bizocas quixo participar e ao mesmo tempo disfrutar dun día especial para a celebración do día Mundial da Saúde.

Para todos/as (ou cada vez máis) é sabido da importancia da actividade física e dos bos hábitos de vida saudable (non podemos esquecer a importancia dunha boa alimentación, evitar  o consumo de alcohol e tabaco, o aseo e limpeza, a nosa socialización individual dentro dun grupo...) para lograr uns beneficios que melloren e preveñan posibles enfermidades nun futuro, xa sexa a medio ou longo prazo de tempo.

Deste xeito, a través da práctica deportiva e unha vida activa e saudable loitaremos contra o sedentarismo, minimizaremos a presenza de enfermidades  cardiovasculares, regularemos o colesterol, reduciremos os síntomas de depresión, ansiedade  e melloraremos o benestar mental, favoreceremos a función cognitiva e tamén melloraremos a calidade do sono e o descanso. En definitiva, teremos a posibilidade de ter unha mellor calidade de vida.

Por todo isto, o noso centor escolar quixo levar a cabo unha andaina pola nosa contorna con todo o seu alumnado e acompañados das familias que quixeron e puideron participar.

O bo tempo reinante durante a xornada fixo que o día fose espectacular e nos permitira disfrutar, aínda máis, da beleza paisaxística que nos rodea.

Grazas a todos/as.

Aquí vos deixamos unhas poucas imaxes da andaina.

Ata a próxima rapazada!

XORNADAS MULTIDEPORTE PARA O 3º CICLO DE EP NO CEIP AS BIZOCAS.

    Este mércores, 26 de marzo, os cursos de 5º e 6º participaron como anfitrións dos compañeiros/as do Ceip Magaláns-Dorrón que viñeron, coma visitantes, para participar nunha nova xornada multideportiva e de convivencia.

Foi unha xornada chea de experiencias lúdicas e de disfrute do deporte como fonte de saúde e tamén coma  medio para facer novos amigos e amigas, desta vez dun colexio novo.

Todo o alumnado puido participar en distintas estacións deportivas polas que foron pasando ao longo da actividade.

E segundo me contan, pasárono xenial!

Ata a seguinte!

8M

 Desde a área de Educación Física traballamos os dereitos da muller na sociedade e a través do deporte como medio e canle de loita contra actitudes machistas e feitos retrógrados contra a dignidade da muller.

Cremos que a socialización, experimentación e xogo entre iguais son unha ferramenta moi útil para avanzar neste camiño de futuro da nosa rapazada.

Deixamos aquí, unha pequena mostra feita polos nen@s, de distintas mulleres deportistas que poden ser referentes para o noso alumnado.

Pero temos que ter en conta, que realmente, tod@s sumamos.

Xornadas multideportivas e de convivencia co Ceip Rosalía de Castro

Moi boas rapazada!

Desta vez, traémosvos as imaxes das fantásticas xornadas multideportivas e de convivencia que levamos a cabo cos amigos/as do colexío Rosalía de Castro do Grove.

Estas actividades estaban dirixidas para os cursos de 3º e 4º de EP (o día 28 de xaneiro) e para o terceiro ciclo de EP, é dicir, 5º e 6º (o día 29 de xaneiro). Nelas, poidemos disfrutar de xogos de presentación e animación, así como, xogos predeportivos e de iniciación ao baloncesto, bádminton, tenis de mesa, dachball, futbol-sala...

Debemos agradecer aos nosos/as amigos/as do Ceip Rosalía de Castro pola súa, moi boa, acollida e tamén polo bo facer e a boa organización do seu mestre de EF, Cibrán.

Certo é que o pasamos xenial e puidemos coñecer un novo colexio, saudar a amigos/as que xa coñeciamos e tamén ter a oportunidade de compartir "xogos" e actividade física con nova xente.

Aquí tedes a pequena reportaxe gráfica das xornadas na que participastes.

Saúdos rapazada!