O pasado venres 5 de xuño, todo o alumnado do Ceip As Bizocas saíu a facer unha andaina pola contorna con varios obxectivos na súa mente. Por un lado, quixemos facer unha recollida de lixo en conxunto para tomar conciencia da cantidade de cousas que as persoas tiramos ao chan de xeito incontrolado. Doutra banda, coñecemos a nosa contorna e fixemos actividade física dunha maneira agradable, divertida e útil.
Xoves 21 de maio de 2025
Tras meses de espera, por fin chegou unha das actividades máis esperadas por parte de todo o alumnado:
A EXCURSIÓN DE FIN DE CURSO.
Este ano o lugar elixido foi as ILLAS CÍES, un paraíso natural situado na ría de Vigo que é un dos destinos turísticos máis visitados de toda Galicia. Estas illas forman un arquipélago composto por 3 illas: Norte ou Monteagudo, do Medio ou do Faro, e Sur ou San Martiño.
As Illas Cíes foron declaradas Parque Natural en 1980 e incluídas no Parque Nacional M-T das illas atlánticas de Galicia creado no ano 2002, xunto á illa de Ons, Sálvora e Cortegada.
Preparados coas nosas mochilas e toda a ilusión do mundo, os alumnos/as e os mestres/as puxemos rumbo a Portonovo para coller o barco que nos levaría a este paraíso natural. Tras unha viaxe aproximada dunha hora, chegamos ao porto, onde nos estaban agardando as guías encargadas de organizar a visita.
Despois de organizarnos por ciclos e deixar as nosas mochilas, comezamos a facer unha ruta por diferentes lugares da illa, como o fermoso lago central. Polo camiño atopamos unha gran variedade de plantas e animaliños.
Logo, chegou a hora de comer, así que sentados/as comodamente á sombra empezamos a degustar a comida que preparou cada familia. Había de todo: pasta, polo, filetes empanados, tortilla... Estaba todo tan rico que ata as gaivotas viñan intentar coller a nosa comida. Ao rematar fomos mercar un xeado ao bar que estivo delicioso.
Pola tarde, vestimos o bañador e puxemos rumbo á praia de Rodas, galardoada co título de "A mellor praia do mundo" polo recoñecido diario británico "The Guardian". Aí realizamos diferentes xogos e, xa que o día acompañaba, algúns nenos/as déronse un chapuzón.
Xa era hora de volver, así que regresamos ao porto onde esperamos ao barco que nos trouxo de volta a Portonovo e aí nos agardaba o autobús que nos levou ata o colexio.
Sen dúbida foi unha excursión excelente nun espazo natural altamente protexido no que desfrutamos ao máximo da natureza.
Se tedes pensado realizar unha visita e queredes máis información, premede aquí para acceder á paxina web das Illas Cíes.
Para acceder á galería e ver todas as fotos da xornada, premede na seguinte fotografía.
E como todo comeza, tamén, todo remata. Chegou o último dia lectivo e os rapaces despedíronse ao grande deste curso 24/25.
Este pasado venres 20 de Xuño, foi o día de amosarlle ás familias os traballos realizados ao longo de todo o curso no PDI "Pequenos Artistas", de que os nenos/as de sexto disfrutaran da súa graduación e ao mesmo tempo, se despediran do seu colexio, do centro que os acolleu, estes anos pasados, durante as etapas de EI e de EP e finalmente, para queimar as penas, que mellor que despedirse cunha festa chea de diversión con xogos na praia!!!
Aquí vos deixamos o enlace no que podedes ver as imaxes do que foi ese gran día:
O Land Art é un moviimento artístico que se caracteriza por empregar o medio natural e os seus materiais coma terra, rochas, vexetación, paus... para a elaboración de obras de arte e sen danar ou modificar o espazo natural no que se crea.
Deste xeito, o alumnado de 3º e 4º de EP e de maneira cooperativa, dispúxose a crear as súas propias obras de arte na nosa contorna do colexio e nunha paraxe tan especial coma é a praia que temos xusto en fronte.
Esta foi a actividade que poñía punto e final ao seu traballo de todo o curso no PDI´24/25 da nosa escola "Pequenos Artistas".
Aquí podedes ver estas obras efímeras pero que, non por iso, deixan de ser valiosas para todos eles/as e para nós.
Ademais de realizar unha pequena manifestación polo día do medio ambiente, reivindicando o coidado da natureza e do entorno, o alumnado do CEIP As Bizocas levou a cabo un roteiro ata o Adro Vello facendo "plogging" (recollida de basura mentres se realiza unha actividade saudable como é camiñar).
Fotos da xornada aquí aquí
Coincidindo co Día do Voluntariado, máis de 65 persoas voluntarias, a grande maioría estudantes e profesorado do CEIP As Bizocas, participaron nunha intensa xornada de voluntariado ambiental adiacada á retirada de lixo mariño nas praias de Area da Cruz e Raeiros.
Podedes ver a noticia coas fotos da xornada aquí.
O pasado venres 5 de xuño, todo o alumnado do Ceip As Bizocas saíu a facer unha andaina pola contorna con varios obxectivos na súa mente. P...
.jpeg)
.jpeg)
