ACTIVIDADE DE VELA POLA COSTA DE SANXENXO

 Onte, por fin, as condicións climáticas permitíronnos achegarnos ata as instalacións do Real Club Náutico de Sanxenxo para disfrutar dunha actividade que nos permitiu navegar polo mar baixo a enerxía que nos ofreceu o vento. 

Nesta xornada de iniciación e achegamento á navegación con vela, a rapazada de 3º curso EP disfrutou  do paseo en barco pola costa de Sanxenxo: Como desta vez tocaba a sesión práctica, os nenos/as poideron levar o timón, tirar dos cabos, virar o barco, coidar a cabeza de dar coa botavara 😆... e como non, sentir o vento na cara. Bueno, nalgún momento tivemos que soprar con forza porque o vento desaparecía 😆😆😆 e non nos moviamos do sitio!!!

O día apareceu co ceo medio nubrado, co sol escondido... pero pouco a pouco, ao longo da mañá, o astro rei foi aparecendo e facendo que o día fose espectacular para esta experiencia de navegación.

Pasámolo moi ben e ata chegamos a ver algún golfiño ao lonxe.

Ata a próxima pequenos/as grumetes.

Iso sí, chegamos do mar con moitísima fame!!!

Tivemos a sorte de compartir a experiencia co alumnado do Ceip Valle-Inclán.

XORNADAS MULTIDEPORTE PARA O 3º CICLO DE EP NO CEIP AS BIZOCAS.

    Este mércores, 26 de marzo, os cursos de 5º e 6º participaron como anfitrións dos compañeiros/as do Ceip Magaláns-Dorrón que viñeron, coma visitantes, para participar nunha nova xornada multideportiva e de convivencia.

Foi unha xornada chea de experiencias lúdicas e de disfrute do deporte como fonte de saúde e tamén coma  medio para facer novos amigos e amigas, desta vez dun colexio novo.

Todo o alumnado puido participar en distintas estacións deportivas polas que foron pasando ao longo da actividade.

E segundo me contan, pasárono xenial!

Ata a seguinte!

XORNADA MULTIDEPORTE NO CEIP A FLORIDA PARA 3º E 4º CURSO DE EP.

 O martes pasado, 25 de marzo, o alumnado de 3º e 4º curso de EP desprazouse ata o Ceip A Florida de Sanxenxo para participar nunha nova actividade de convivencia deportiva coa finalidade de fomentar a actividade física, o disfrute polo xogo e a socialización con novos/as compañeiros/as doutros centros escolares.

Aquí vos deixamos unha pequena mostra do ben que o pasaron.

Ata a próxima xentiña!

3º curso de EP iníciase na navegación a vela.

 Na xornada de onte (xoves 20), o alumnado de 3º curso de EP poido disfrutar dunha sesión teórica e de achegamento á navegación con vela. Para elo, contamos coa axuda do RCN de Sanxenxo e foron Adrián e María quenes nos explicaron e nos deron a coñecer as partes básicas do barco e tamén a terminoloxía náutica máis empregada... así, quedámonos con palabras como timón, proa, popa, cabo, botavara.. Aprendimos un auténtico dicionario do mar!

Tamén nos animaron e nos quitaron o medo para a seguinte sesión na que xa  teremos que poñernos a navegar sobre as ondas do mar e co vento na cara.

Esperando xa con ansiedade e ilusión a seguinte sesión. 

Preparádevos grumetes!

XORNADA DE BALONMÁN PARA 3º EP

 Hoxe, o alumnado de 3º de EP, participou nunha xornada de balonmán a través do plan Xogade e coa organización e colaboración inestimable do Club de Balonmán Rasoeiro.

A actividade levouse a cabo no pavillón vello do Grove e nela participaron xunto co noso centro os colexios de Valle-Inclán, Rosalía de Castro e o de Conmeniño.

Ao longo da xornada, os distintos esquipos foron participando nos distintos confrotamentos entre eles.

A finalidade era que todo o alumnado disfrutara do contacto  con este deporte, experimentara unha convivencia co resto de alumn@s dos distintos centros escolares e sobre todo, que o pasaran ben durante a actividade.

E polas caras dos nen@s e polos comentarios que nos fixeron, cremos que saíron bastante satisfeit@s😄

Quentando a máquina!                                            

     

Metidos xa no xogo                                               

Ben atentos ao que pasaba na pista.                    

E como non, o momento para recuperar enerxía e folgos!

O equipo "Con-Bi"                                                    

                                          

E todo o alumnado participante.                             

8M

 Desde a área de Educación Física traballamos os dereitos da muller na sociedade e a través do deporte como medio e canle de loita contra actitudes machistas e feitos retrógrados contra a dignidade da muller.

Cremos que a socialización, experimentación e xogo entre iguais son unha ferramenta moi útil para avanzar neste camiño de futuro da nosa rapazada.

Deixamos aquí, unha pequena mostra feita polos nen@s, de distintas mulleres deportistas que poden ser referentes para o noso alumnado.

Pero temos que ter en conta, que realmente, tod@s sumamos.

Xornada convivencia do 3º e 4º curso de EP cos compañeir@s do CEIP O Cruceiro.

 O pasado mércores 26 de febreiro, o 2º ciclo desprazouse ata o CEIP O Cruceiro para levar a cabo unha nova xornada de convivencia na que poidemos disfrutar de diferentes xogos predeportivos. Gozamos da boa benvida que nos deron ao longo de toda a xornada e tamén aproveitamos para coñecer novos/as amigos/as. 

O sol que nos acompañou nese fantástico día tamén axudou a que a actividade resultara un éxito e que os rapaces e rapazas o pasaran xenial.

Vémonos na seguinte.!